TALABALAR TURAR JOYLARI

Talabalar turar joylari direktori,

To'raqulova Nurxon Baxodirovna

Tel: +998 (71) 237-19-73

E-mail: @ttj_tiiame_bot

Talabalar turar joyi respublikaning uzoq viloyat va shaharlaridan kelib universitetda tahsil olayotgan talaba va magistrantlarini o`qish vaqtida turar joylari bilan ta’minlashga mo`ljallangan. Hozirgi kunda universitetda to`rtta to`qqiz qavatli talabalar turar joyi, bitta uch qavatli talabalar turar joyi va ikkita yosh olimlar va tadqiqotchilar uyiga ega. “Toshkent irrigatsiya va qishloq xo`jaligini mexanizatsiyalash muhandislari instituti” Milliy tadqiqot universiteti tarkibida rivojlangan infra tuzilmaga ega bo`lgan  mustaqil ish yurituvchi talabalar turar joylari mavjud. “Toshkent irrigatsiya va qishloq xo`jaligini mexanizatsiyalash muhandislari instituti” Milliy tadqiqot universiteti talabalar turar joylarida talabalarning hayotini yaxshilash maqsadida zamonaviy axborot texnologiyalari joriy etilayotgani, talabalar turar joylarining moddiy-texnik bazasini yangilanib to`ldirilgan kompyuter xonalari, ma’naviyat xonalari, sport maydonchalari va axborot resurs mazkazi filiallari bilan ta’minlangan. Universitet talabalar turar joylari 1986-1987-yillarda qurilgan. Ular kapital ta’mirdan chiqarilgan, hozirgi davrda to`liq foydalanishga topshirilgan. “TIQXMMI” MTU talabalari yashashi uchun yangi talabalar turar joyi binolarini qurish va eski binolarni kapital ta’mirlash bo`yicha maqsadli investitsiya dasturiga kiritilgan. Talabalarga yashash uchun taqdim etiladigan yotoqxonalar koridor(qavatdagi qulayliklar bilan) va seksiya tipidagi yotoqxonalarga (har bir seksiya uchun yuvinish xonasi va sanuzel) bo`linadi. Yotoqxonalarning har bir qavatda 2 tadan oshxona mavjud, elektr plitalar va muzlatkichlar bilan jihozlangan.

Talabalarga yashash uchun qulay sharoitlar yaratish maqsadida imkoniyati cheklangan talabalar uchun maxsus xonalar tashkil qilingan va yotoqxonalarda mustaqil mashg'ulotlar uchun xonalar, dam olish xonalari, sport zallari, dazmol xonalari, kir yuvish xonalari, tikuvchilik xonalari, tibbiyot xonalari, kompyuter xonalari va boshqa xonalar bilan ta’minlangan. “TIQXMMI” MTU talabalar turar joylarida talabalarning yashash xavfsizligiga katta e’tibor beriladi. Xavfsizlik dasturi doirasida barcha yotoqxonalarda videokuzatuv tizimlari o`rnatilgan hamda profilaktika inspektori faoliyati yo`lga qo`yilgan. Universitet yotoqxonalarini boshqarish funksiyalari talabalar turar joylari ma’muriyatiga yuklangan. Talabalar turar joylarida talabalarning bo`sh vaqtini mazmunli tashkil etish va yashash sharoitini yanada yaxshilash maqsadida 100 nafarga yaqin ishchi hodimlar (TTJ direktori, tarbiyachi-pedagoglar, profilaktika inspektori, bino boshliqlari, tibbiyot xodimlari, santexniklar, elektriklar, duradgorlar, qorovullar, bog`bonlar va boshqalar) faoliyat yuritmoqda. Yurtimizda inson qadri uning huquq va manfaatlarini ta’minlash davlat siyosatining ustuvor yo‘nalishlaridan biri.

“Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqotlar universiteti Talabalar turar joyida imkoniyati cheklangan nogironligi  bo‘lgan talabalarni qo‘llab-quvvatlash, ularni ijtimoiy va siyosiy hayotga  faol jalb etish maqsadida qulay shart-sharoitlar yaratilgan. Talabalar turar joylaridagi har bir bino zinalari yonida ikki tomonli tutqichlarga ega bo‘lgan maxsus normadagi panduslar mavjud. Bino eshiklari ikki tabaqali. Imkoniyati cheklangan talabalar  birinchi qavatdan maxsus  xonalarga joylashtirilgan. Xonada ular uchun qulay va kerakli bo‘lgan shart-sharoitlar yaratilgan. Hojatxonalar maxsus moslamalar bilan jihozlangan. “Toshkent irrigatsiya va qishloq xo‘jaligini mexanizatsiyalash muhandislari instituti” Milliy tadqiqotlar universiteti rektori Bahodir Mirzayev tomonidan Talabalar turar joyida imkoniyati cheklangan nogironligi  bo‘lgan talabalar uchun elektron aravachalar berildi hamda Universitet oshxonasida tayyorlangan taomlar doimiy ravishda tarqatilmoqda. Talabalarni talabalar turar joyiga joylashtirish uchun ttj.tiiame.uz platformasi yaratilgan bo`lib u orqali talabalar turar joyga joylashish uchun onlayn ariza topshiriladi hamda ularning arizalariga asosan ularga xona ajratiladi. Talabalar turar joyidagi talabalarning taklif va murojaatlarini o`rganish maqsadida @ttj_tiiame_bot telegram boti faoliyati yo`lga qo`yilgan. Talabalar turar joyi direktori xonasi Toshkent shahar Yunusobod tumani Osiyo ko`chasi 4-uy 1-qavat 102-xona.

Manzil: Toshkent shahar Yunusobod tumani Osiyo ko‘chasi 1-uy.

Yo‘nalishlari: Xamid Olimjon metro stansiyasi, Minor metro stansiyasi, avtobuslar 2, 89, 95, 38, 88 gidrometsentr bekati.

1-TALABALAR TURAR JOYI

Universitetning 1–talabalar turar joyi 1986-yilda qurilib foydalanishga topshirilgan, uning umumiy maydoni 1007 m2. Talabalar turar joyining manzili Toshkent shahar Yunusobod tumani Osiyo ko`chasi 1a-uy. Talabalar turar joyi 9 qavatdan iborat bo`lib unda jami 176 ta xonalar mavjud. Talabalar turar joyi jami 352 ta o`ringa mo`ljallangan bo`lib hozirgi kunda “Gidrotexnika qurilishi fakulteti”,  “Ekalogiya va Huquq” va Magistratura bosqichi  talabalari yashab kelmoqda.

1-Talabalar turar joyi ma’muriyati

Bino mudiri: Aliyev Raxmon  Qo`ziyevich 1976-yil 7-yanvarda Buxoro viloyati Kogon tumanida tavallud topgan. 2022-yil Sentabr oyidan boshlab “TIQXMMI” MTU 1-talabalar turar joyi bino mudiri lavozimida ish faoliyatini yuritib kelmoqda.

Bino choyshabchisi: Djo‘rayeva Marg‘uba Tajibayevna 1972-yil 30-mart Toshkent viloyati Toshkent shaxrida tavallud topgan. 2015-yil may oyidan boshlab “TIQXMMI” MTU 1-talabalar turar joyi choyshabchisi lavozimida ish faoliyatini yuritib kelmoqda.

2-TALABALAR TURAR JOYI

Universitetning 2-talabalar turar joyi 1986-yilda qurilib foydalanishga topshirilgan, uning umumiy maydoni 9253 m2. Talabalar turar joyining manzili Toshkent shahar Yunusobod tumani Osiyo ko`chasi 2-uy. Talabalar turar joyi 9 qavatdan iborat bo`lib unda jami 334 ta xonalar mavjud. Talabalar turar joyining 1-qavati universitetda tahsil olayotgan chet ellik talabalar uchun faoliyat yuritadi hamda talabalarning bo`sh vaqtini mazmunli tashkil etish maqsadida kutubxona hamda kompyuter xonalari tashkillashtirilgan. Qolgan qavatlarga esa to`liq talabalar joylashtirilgan. Har bir xonada alohida hojatxona va yuvinish xonasi, har bir qavatda 2 tadan oshxona mavjud. Talabalar turar joyi jami 612 ta o`ringa mo`ljallangan bo`lib hozirgi kunda “Qishloq xo`jaligini mexanizatsiyalash”, “Ekologiya va huquq” fakultetlarining talabalari yashaydi.

2-Talabalar turar joyi ma’muriyati

Bino mudiri: Normatov Iskandar Saidovich 1979-yil 6-sentyabrda Qashqadaryo viloyati Kasbi tumanida tavallud topgan. 2022-yil oktyabr oyidan boshlab “TIQXMMI” MTU 2-talabalar turar joyi bino mudiri lavozimida ish faoliyatini yuritib kelmoqda.

Tarbiyachi Pedagog: Xudoyberdiyeva Tamara Qulmurodovna 1968-yil 5-aprelda  Qashqadaryo viloyati Kitob tumanida tavallud topgan. 2023-yil sentyabr oyidan boshlab  “TIQXMMI” MTU 2-talabalar turar joyida tarbiyachi pedagog lavozimida ish faoliyatini yuritib kelmoqda.

TTJ choyshabchisi: Mannonova Nigora Saidbakiyevna 1971-yil 16-martda  Toshkent shahar Sobir Raximov tumanida tavallud topgan.  2013-yildan boshlab “TIQXMMI” MTUda faoliyat yuritishni boshlagan. 2022-yil sentyabr oyidan boshlab “TIQXMMI” MTU 2-talabalar turar joyida choyshabchi lavozimida ish faoliyatini yuritib kelmoqda.

3-TALABALAR TURAR JOYI

Universitetning 3–talabalar turar joyi 1987-yilda qurilib foydalanishga topshirilgan, uning umumiy maydoni 9253 m2. Talabalar turar joyining manzili Toshkent shahar Yunusobod tumani Osiyo ko`chasi 3-uy. Talabalar turar joyi 9 qavatdan iborat bo`lib unda jami 334 ta xonalar mavjud. Talabalar turar joyining 1-qavati talabalar uchun tikuvchilik sexi hamda tikuvchilik to`garagi tashkillashtirilgan. TTJda Talabalar uchun tibbiy punkt ham tashkillshtirilgan bo`lib unda talabalar tibbiy muolajalar qilinadi. Talabalarning bo`sh vaqtini mazmunli tashkil etish maqsadida qavatlarning fayelarida 2-qavatda kutubxona, 3-qavatda fines zali hamda 4-5-qavatlarda kompyuter xonalari tashkillashtirilgan. Qolgan qavatlarga esa to`liq talabalar joylashtirilgan. Har bir xonada alohida hojatxona va yuvinish xonasi, Har bir qavatda 2 tadan oshxona mavjud. Talabalar turar joyi jami 612 ta o`ringa mo`ljallangan bo`lib hozirgi kunda “Energetika”, “Iqtisodiyot” va “Ekologiya va huquq” fakultetlarining talabalari yashaydi.

3-Talabalar turar joyi ma’muriyati

Bino mudiri: Temirov Zafar 1983-yil 27-noyabrda Namangam viloyati Pop tumanida tavallud topgan. 2023-yil noyabr oyidan boshlab “TIQXMMI” MTU 3-talabalar turar joyi bino mudiri lavozimida ish faoliyatini yuritib kelmoqda.

Tarbiyachi Pedagog: Muxrimboyeva Ziroat Kabirovna 1972-yil 09-mayda  Toshkent viloyati Toshkent shahrida tavallud topgan. 2023-yil sentyabr oyidan boshlab “TIQXMMI” MTU 3-talabalar turar joyida tarbiyachi pedagog lavozimida ish faoliyatini yuritib kelmoqda.

TTJ choyshabchisi: Gaziyeva Dilfuza Saidakromovna 1967-yil 6-martda  Toshkent shahar Yunusobod tumanida tavallud topgan. 2018-yildan buyon “TIQXMMI” MTUda faoliyat yurutib kelmoqda. 2022-yil  sentabr oyidan boshlab “TIQXMMI” MTU 3-talabalar turar joyida choyshabchi lavozimida ish faoliyatini yuritib kelmoqda.

4-TALABALAR TURAR JOYI

Universitetning 4–talabalar turar joyi 1987-yilda qurilib foydalanishga topshirilgan, uning umumiy maydoni 9253 m2. Talabalar turar joyining manzili Toshkent shahar Yunusobod tumani Osiyo ko`chasi 4-uy. Talabalar turar joyi 9 qavatdan iborat bo`lib unda jami 332 ta xonalar mavjud. Talabalar turar joyining 1-qavati universitetga kelgan malaka oshirish hodimlari uchun mehmonxona faoliyatini yuritmoqda hamda 1-qavatda talabalar uchun kutubxona tashkil etilgan hamda talabalar uchun tibbiy punkt ham tashkillshtirilgan bo`lib unda talabalar tibbiy muolajalar qilinadi.  Talabalarning bo`sh vaqtini mazmunli tashkil etish maqsadida 2-qavat fayesida kompyuter xona tashkil qilingan. Qolgan qavatlarga esa to`liq talabalar joylashtirilgan. Har bir xonada alohida hojatxona va dush, Har bir qavatda 2 tadan oshxona mavjud. Talabalar turar joyi jami 612 ta o`ringa mo`ljallangan bo`lib hozirgi kunda “Gidromelioratsiya” fakulteti hamda “Yer resurslari va kadastr” fakultetining talaba qizlari yashaydi. 

4-Talabalar turar joyi ma’muriyati

Bino mudiri: Soliyev Tolib Iskandarovich 1965-yil 24-fevralda Samarqand viloyati Oqdaryo tumanida tavallud topgan. 2023-yil oktabr oyidan boshlab “TIQXMMI” MTU 4-talabalar turar joyi bino mudiri lavozimida ish faoliyatini yuritib kelmoqda.

Tarbiyachi Pedagog: Muxrimboyeva Surayyo Mirxamitovna 1965-yil 27-martda  Toshkent shahar Yunusobod tumanida tavallud topgan. 2023-yil sentabr oyidan boshlab  “TIQXMMI” MTU 2-talabalar turar joyida tarbiyachi pedagog lavozimida ish faoliyatini yuritib kelmoqda.

TTJ choyshabchisi: Norbutayeva Muhayyo Chuliyevna 1975-yil 8-martda  Samarqand viloyati Paxtachi tumanida tavallud topgan. 2020-yil noyabr oyidan boshlab “TIQXMMI” MTU  4-talabalar turar joyida choyshabchi lavozimida ish faoliyatini yuritib kelmoqda.

5-TALABALAR TURAR JOYI

 Universitetning 5 – talabalar turar joyi 1953-yilda qurilib foydalanishga topshirilgan, uning umumiy maydoni 983 m2. Talabalar turar joyining manzili Toshkent shahar Yunusobod tumani Xalqobod 3-berk ko`chasi . Talabalar turar joyi 3-qavatdan iborat bo`lib unda jami 85 ta xonalar mavjud. Talabalar turar joyi jami 300 ta o`ringa mo`ljallangan bo`lib hozirgi kunda “Yer resurslari va kadastr” fakultetining   o`g`il bola talabalari yashab kelmoqda.

5-Talabalar turar joyi ma’muriyati

Bino mudiri: Islomova Shoira Alijonovna 1985-yil 1-iyunda  Toshkent shahar Mirzo Ulug`bek tumanida tavallud topgan.  2023-yil noyabr oyidan buyon 5-talabalar turar joyi bino mudiri lavozimida ish faoliyatini yuritib kelmoqda.

TTJ choyshanbchisi: Berdiyeva Marg`uba Eshanqulovna 1976-yil 10-dekabrda  Qashqadaryo viloyati Qamashi tumanida tavallud topgan.  2021-yil sentyabr oyidan buyon “TIQXMMI” MTU 5-talabalar turar joyida choyshabchi lavozimida ish faoliyatini yuritib kelmoqda.

YOSH OLIM VA DOKTORANTLAR UYLARI

Universitetning “Yosh olimlar va doktorantlar uylari” 1972 va 1977-yillarda qurilib foydalanishga topshirilgan, ularning umumiy maydoni 5847 (6-yosh olimlar va doktorantlar uyi 2900 m2 va 7-yosh olimlar va doktorantlar uyi 2947 m2) m2. Yosh olimlar va doktorantlar uyining manzili Toshkent shahar Yunusobod tumani Chingiz Aytmatov ko`chasi 1a-uy. Yosh olimlar va doktorantlar uylari 4 qavatli 2 ta binodan iborat bo`lib unda jami 352 ta xonalar mavjud. Yosh olimlar va doktorantlar uylarida Toshkent shahrida doimiy yashash joyi bo`lmagan universitetda faoliyat yuritayotgan yosh olimlar va doktorantlar universitet rektori nomiga yozgan arizalariga asosan, Yosh olimlar, doktorantlar va xodimlarni vaqtinchalik turar-joy bilan ta’minlash bo`yicha ishchi-guruh komissiyasi xulosasiga ko`ra  “Yosh olimlar va doktorantlar uylari”ga joylashtiriladi. Hozirgi kunda  400 nafardan ortiq doktorantlar va yosh olimlar universitet “Yosh olimlar va doktorantlar uylari”da yashab kelmoqda.

Yosh olimlar va doktorantlar uylari ma’muriyati

       Bino mudiri: Ravshanova Dilbar Ismailovna 1970-yil 11-iyulda Qashqadaryo viloyati Chiroqchi tumanida tavallud topgan. 2004-yildan boshlab universitetda faoliyat yuritib kelmoqda. 2022-yil sentyabr oyidan buyon “TIQXMMI” MTU “Yosh olimlar va doktorantlar uylari” bino mudiri lavozimida ish faoliyatini yuritib kelmoqda.

QO’SHIMCHA TALABALAR TURAR JOYLARI QURILISHI

O`zbekiston Respublikasi Prezidentining 2021-yil 10-dekabrdagi 42-sonli qarori doirasida “Toshkent irrigatsiya va qishloq xo`jaligini mexanizatsiyalash muhandislari instituti” Milliy tadqiqot universiteti talabalariga shart-sharoit yaratish maqsadida 500 ta (450 ta talabalar yashashi uchun 50 ta chet ellik mehmonlar uchun) xonadan iborat  800 o`rinli, barcha qulayliklarga ega zamonaviy talabalar turar joyi qurish belgilangan.

Joylashgan manzili: Toshkent shahar, Yunusobod tumani, Chingiz Aytmatov ko`chasi 1a-uy

Yer maydoni qurilish uchastkasi maydoni: 1778 m2

Ishga tushirish muddati: 2023-yil avgust oyi

Loyihaning 2022-yil dekabrdagi holati: